Gjithmonë njeriu ka dëshirë për të sfiduar kohën dhe që të duket më i ri se përherë ama shpikjet moderne dhe rrjetet sociale po na plakin më shpejt seç duhet.

Ju tregojmë 5 zakonet që duhet të eliminoni për tu dukur më i ri dhe i shëndetshëm:

1.Nuk konsumoni yndyrna të tretshme: Një regjim ushqimor i pasur me acide yndyore esenciale Omega-3, jo vetem që frenon shfaqjen e parakohshme të rrudhave, por ushqen dhe hidraton lëkurën. Mos e privoni veten nga ky kompnent që gjendet tek peshku, qumështi, bulmeti, avokado etj, pasi në të kundërt lëkura juaj do të vuajë pasojat e para.

2.Përdorni pipëza kur pini: Ok, këtë as që do e kishim çuar kurrë ndërmend, por teksa e bëni këtë gjë, buzët tuaj mblidhen duke rritur mundësinë për të formuar rrudha rreth gojës tuaj. E njëjta vlen edhe për pirjen e duhanit. 

]3.Flini në një anë: Të fjeturit në një anë mund të jetë komod për shumë prej jush, por mbështeja e vazhdueshme mbi jastëk shkakton rrudha dhe pezmatime të lëkurës në zonën e faqeve, mollëzave dhe mjekrës. Plus që kur e bëni këtë gjë në anën e majtë ushtroni presion tek zemra. Sipas shumë eskpertëve të fjeturit me shpinë është pozicioni më i mirë për të fjetur dhe për të qëndruar i ri e i freskët.

4.Mbani qëndrim jo korrekt kur punoni: Mbajtja e një qëndrimi jo komod e hera-herës mpirës, devijon shtyllën kurrizore nga shtrirja e saj normale. Si rezultat pësoni deformime të muskujve dhe shtypje të vertebrave. Këto dëmtime mund të shkaktojnë deformime të përhershme dhe plakin lëkurën tuaj.

5.Nuk përdorni krem kundra diellit: Kremi kundra diellit duhet të jetë gjatë gjithë vitit në çantën tuaj të kozmetikës dhe jo vetëm gjatë sezonit të verës. Ekspozimi i tepërt dhe i pakontrolluar në diell është shkaku kryesor i plakjes së parakohshme të lëkurës. Mbroni lëkurën nga rrezet e dëmshme UVB dhe UVA duke aplikuar krem me faktor mbrojtë 30-50 dhe që i përshtatet pH-it dhe llojit të lëkurës suaj.