Një 18-vjeçar është aksidentuar pasditen e sotme në rrugën Turizëm – Kanali Cukës në Sarandë.

18-vjeçari, Arber Dyleshari ishte duke drejtuar motocikletën në momentin kur ka dalë nga rruga dhe për pasojë ka marrë plagë të rënda me fraktura në gjithë trupin.

Menjëherë është transportuar drejt spitalit të Sarandës, ku ka shkuar në gjendje kome.

Në këtë situatë bluzat e bardha të Sarandës vendosën transportimin e tij me helikopter drejt spitalit të Traumës në Tiranë.