Ballina Aktualitet Dha dorëheqjen dy javë më parë, ish-anëtari i Kushtetutes nuk do t’i...

Dha dorëheqjen dy javë më parë, ish-anëtari i Kushtetutes nuk do t’i nënshtrohet procesit të vettingut

Pasi dha dorëhqjen dy javë më parë, ish-anëtrai i Gjykatës Kushtetuese, Besnik Imeraj, nuk do t’i nënshtrohet procesit të vettingut.

Imeraj i kërkoi Komisionit të Pavarur të Kualifikimit të ndërpriste procesin e rivlerësimit ndaj tij, ndaj KPK vendosi ndërprerjen e këtyre procedurave.

“Komisioni i Pavarur i Kualifikimit njofton se trupa gjykuese, e përbërë nga Brunilda Bekteshi (kryesuese), Etleda Çiftja (anëtare) dhe Genta Tafa (Bungo) (relatore), pasi mori dijeni për vendimin nr. 2, datë 31.01.2018 të Gjykatës Kushtetuese, botuar në Fletoren Zyrtare nr. 14, datë 06.02.2018, në zbatim të nenit G të Aneksit të Kushtetutës, ka vendosur ndërprerjen e procedurave të rivlerësimit për subjektin e rivlerësimit Besnik Imeraj.

Vendimi do të publikohet në faqen zyrtare të internetit të këtij institucioni në respektim të afatit të përcaktuar në nenin 55/7 të ligjit nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, thuhet në njoftimin zyrtar.

Për të marrë lajmet e fundit të “DuaLajm.com”, ndiq edhe faqen tonë në Facebook