Ballina Aktualitet Dhuna ndaj zyrtarëve në Vlorë, reagon FSHF: Zero tolerancë! Autorët të vihen...

Dhuna ndaj zyrtarëve në Vlorë, reagon FSHF: Zero tolerancë! Autorët të vihen para përgjegjësisë

Pas ngjarjeve të ndodhura në Vlorë në përfundimin e ndeshjes, Flamurtari-Vllaznia ku u dhunua asistenti i parë Ilir Tartari, ka ardhur edhe reagimi i Federatës Shqiptare të Futbollit.

Sipas saj dhuna do të dënohet dhe nuk do të ketë asnjë shenjë tolerance.

Për më tepër FSHF iu bën thirrje prokurorisë dhe policisë të vënë para përgjegjësisë autorët.

Reagimi i FSHF-së
Dhuna e ushtruar të shtunën në mbremje mbi arbitrin dhe zyrtarin e ndeshjes në përfundim të takimit Flamurtari-Vllaznia, në stadiumin “Flamurtari” të Vlorës ka tronditur mbarë opinionin sportiv si një akt shumë i shëmtuar dhe i dënureshëm.

Ky agresion fizik karshi asistentit të parë të arbitrit, dhe më pas edhe ndaj vëzhguesit të ndeshjes, ka ndodhur në prani të forcave të policisë në stadium, por duke mos e parandalur atë. Ky rast është denoncuar zyrtarisht edhe pranë autoriteteve ligjzbatuese në Vlorë.

FSHF i bën apel Policisë së Shtetit, për të zbardhur të plotë një incident të tillë, ku pas dëshmisë dhe denoncimit të arbitrit të dhunuar përpara Oficerit të Policisë Gjyqësore të veprojë menjëherë në bazë dhe zbatim të ligjit, për të cuar përpara drejtësisë agresorët që zbritën dhe goditën arbitrat dhe zyrtarët e ndeshjes.

Po kështu, organizatori i ndeshjes, klubi i futbollit Flamurtari mban përgjegjësi direkte për mosmarrjen e masave për organizimin dhe mbarëvajtjen e ndeshjes, dhe aq më shumë për ti mbrojtur miqtë në shtëpinë e tyre.

FSHF dënon me shumë forcë dhunën verbale tashmë të shndërruar në dhunë fizike. Goditja karshi zyrtarëve të ndeshjes mbetet një akt tërësisht antisportiv dhe si i tillë do të ketë zero tolerancë nga ana e Drejtësisë Sportive.

Policia e Shtetit dhe Prokuroria duhet të cojnë deri në fund zbardhjen e këtij agresioni të shëmtuar dhe të vënë përpara përgjegjësisë penale autorët e tij.

LEXO EDHE:  Përleshje me thika në Lungomaren e Vlorës, plagoset i riu, arrestohet 17-vjeçari

Për të marrë lajmet e fundit të “DuaLajm.com”, ndiq edhe faqen tonë në Facebook