Ballina Aktualitet E mbani mend vajzën që qëlluan me çadër në 21 Janar? Deklarata...

E mbani mend vajzën që qëlluan me çadër në 21 Janar? Deklarata e gazetarit të njohur: Tashmë është gardiane e Izet Haxhisë

Bekime Rexha, ishte një nga personazhet e 21 Janarit ku pas protestës së opozitës në Bulevard, mbetën të vrarë katër protestues.

Në atë kohë adoleshente, asaj iu kushtua një kronikë televizive, pasi kamerat e filmuan teksa një protestues e qëlloi me çadër në kokë kur ajo po i ironizonte në Rrugën e Durrësit.

Pas protestës, ish-kryeministri Sali Berisha i shkoi për vizitë në familjen e saj për ta uruar për ditëlindjen e 18.

Gazetari i njohur dhe kryeredaktori i gazetës Dita, Adrian Thano tha se Bekime Rexha pasi mbushi 18 vjeç i kërkoi Berishës ta punësonte si gardiane burgu dhe ish-kreu i qeverisë ia pranoi kërkesën.

“Bekimja sapo mbushi 18 vjeç dhe mbaroi gjimnazin u punësua si … police burgu. Dhe besojeni ose jo, është ende sot police burgu. Madje nga më të përkedhelurat. E kanë lëvizur nga njëri burg në tjetrin në vendet që kërkon vetë, gjithmonë nën kujdesin e drejtuesve, paçka se ikën “ata të Saliut” pastaj edhe “ata të LSI” dhe erdhën “këta të Rilindjes”. Së fundmi thonë se për Bekimen ka treguar sensibilitet të lartë vetë drejtori i ri i sapoemëruar i policisë së burgjeve”, shkruan Thano në gazetën Dita.

LEXO EDHE:  Policia ka arrestuar rrëmbyesin e vajzës 13-vjeçare nga Fieri, por për përdhunim

Si për ironi të fatit ajo është gardiane pikërisht në burgun 302, ku është akomoduar së fundmi edhe Izet Haxhia, i cili është dënuar në mungesë si autor i vrasjes së Azem Hajdarit.

Për të marrë lajmet e fundit të “DuaLajm.com”, ndiq edhe faqen tonë në Facebook