Ballina Aktualitet Fabrika e bakrit në Vorë, një avullore e vërtetë, reagojnë banorët: Do...

Fabrika e bakrit në Vorë, një avullore e vërtetë, reagojnë banorët: Do bllokojmë autostradën

Në fshatin Marikaj të Vorës, pranë autostradës Tiranë-Durrës një fabrikë nxjerr tym të zi ditë e natë. Banorët thonë se fabrika e përpunimit të bakrit dhe aluminit u ka shkaktuar probleme të rënda shëndetësore atyre dhe fëmijëve të vegjël ndaj do të bashkohen duke bllokuar autostradën Tiranë-Durrës.

Në njoftim thuhet se protesta zhvillohet të hënëne javës që vjen në orën 09:00.

Në foton e mëposhtme duket qartë ndotja e madhe në mjedis që shkakton kjo fabrikë që nxjerr shtëllunga të mëdha tymi në një zonë të populluar. Banorët thonë se kanë njoftuar edhe policinë, bashkinë dhe institucione të tjera por asnjë masë nuk është marrë dhe thirrjet e tyre kanë shkuar në vesh të shurdhër ndaj kanë vendosur të bëjnë vetë diçka pra të bllokojnë rrugën në shenjë proteste.