Ballina Aktualitet FOTO/ Fshihte 6 mina me telekomandë, arrestohet transportuesi në Lezhë

FOTO/ Fshihte 6 mina me telekomandë, arrestohet transportuesi në Lezhë

Pas zbulimit të 6 minave me telekomandë, Policia e Lezhës ka vënë pranga transportuesin e tyre.

Sipas burimeve policore, bëhet fjalë për shtetasin Eduard Sinanaj, 40 vjeç, i cili i kishte fshehur minat në bagazhin e makinës.

Njoftimi i policisë:

Më datë 23.06.2018, Sektori për hetimin e krimeve në Drejtorinë Vendore të Policisë Lezhë në bashkëpunim me Prokurorinë e Rrethit Gjyqësor Lezhë, falë një pune profesionale të mirëorganizuar të ndjekur me metoda proaktive, u finalizua me sukses operacioni i koduar ” Udhëtimi ” duke goditur një tjetër rast të tentativës për tregtim të minave me telekomandë.

Si rezultat i këtij operacioni, u arrestua në flagrancë shtetasi : – Eduard Sinanaj, 40 vjeç, banues në Tiranë ( i dënuar më parë për veprën penale ” Dhënie ndihme për kalim të paligjshëm të kufirit”)

Në aksin rrugor Milot – Lezhë, në vendin e quajtur Ishull Lezhë, u kap me automjetin e tij tip Peugeot që po drejtonte, pasi në bagazh, në një rrotë karroce, kishte fshehur 6 mina me telekomandë të cilat u sekuestruan në cilësinë e proves materiale sëbashku me automjetin. Vepra penale në ngarkim të tij ” Trafikim i armëve dhe municioneve” parashikuar nga neni 278/a i Kodit Penal. Materialet proçeduriale iu referuan Prokurorisë së Rrethit Gjyqësor Lezhë për veprime të mëtejshme.

VIDEO/ Zbulohen 6 mina me telekomandë, arrestohet transportuesi

Për të marrë lajmet e fundit të “DuaLajm.com”, ndiq edhe faqen tonë në Facebook