Ballina Aktualitet FOTO/ Shpërthen makina e biznesmenit pranë Liqenit artificial, policia jep detajet

FOTO/ Shpërthen makina e biznesmenit pranë Liqenit artificial, policia jep detajet

Një mjet tip “Volkswagen” me targa AA 946 EF në pronësi të një biznesmeni inertesh ka shpërthyer mëngjesin e sotëm.

Ngjarja ka ndodhur pranë Liqenit artificial, ku si pasojë ka vetëm dëme materiale.

Policia bën me dije se mjetit i janë vendosur 200 gram lëndë eksplozive “tritol”. Makina ka qenë e parkuar kur ka ndodhur shpërthimi.

Njoftimi i policisë

Me datë 30.11.2017, rreth orës 09:45, në Sallën Operative ka ardhur një telefonatë se tek Liqeni artificial ka shpërthyer një mjet.

Menjëherë në vendngjarje kanë shkuar shërbimet e Policisë ku nga veprimet paraprake ka rezultuar se:

Tek Liqeni artificial, në rrugën dytësore ka shpërthyer një mjet i parkuar tip Volkswagen, në pronësi të shtetasit N.R., 42 vjeç, administrator i një firme inertesh.

Si pasojë ka vetëm dëme materiale.

Grupi hetimor po kryen veprimet për zbardhjen e plotë të ngjarjes.

Për të marrë lajmet e fundit të “DuaLajm.com”, ndiq edhe faqen tonë në Facebook