Ballina Aktualitet Homazhet e Rexhep Çeliku, Meta: Çeliku i ka bërë krenar shqiptarët, do...

Homazhet e Rexhep Çeliku, Meta: Çeliku i ka bërë krenar shqiptarët, do të jetë gjithmonë në zemrat tona

Presidenti i Republikës Ilir Meta ka marrë pjesë në homazhet e të ndjerit Rexhep Çeliku, të cilat po zhvillohen që prej orës 11:00 në Muzeun Historik Kombëtar.

“Shqiptarët janë përlotur kur kanë mësuar lajmin, për atë që  për më shumë se 40 vite Rexhep Çeliku ka bërë për Shqipërinë, për shqiptarët, kudo që ka jetuar dhe i ka bërë krenarë që janë shqiptarë”, tha Meta.

“Jam i bindur se Rexhep Çeliku ka vetëm përjetësi dhe do të jetë gjithmonë në zemrat e shqiptarëve si shqiponja që fluturon vetëm lart.

Unë besoj se Rexhep Çeliku siç kishte emrin, tregoi edhe fuqinë e jashtëzakonshme të karakterit të tij duke mundur sëmundjen e tij . Ai e mundi sëmundjen në emër të dashurisë për skenën dhe do të jetë gjithmonë i përjetshëm në zemrat tona dhe burim frymëzimi për të rinjtë sepse skena jonë do ta ndiejë gjithmonë mungesën e tij.”

Për të marrë lajmet e fundit të “DuaLajm.com”, ndiq edhe faqen tonë në Facebook