Ballina Aktualitet Protesta/ Kryemadhi: Më 27 janar harrojini flamurët politikë, do jetë mëkat për...

Protesta/ Kryemadhi: Më 27 janar harrojini flamurët politikë, do jetë mëkat për këdo që…

Kryetarja e LSI-së, Monika Kryemadhi gjatë ditës së sotme ka zhviluar një takim me strukturat e LSI në njësinë 11.

Kryemadhi ka ftuar sërish të gjithë qytetarët që të jenë pjesë e protestës e cila do të zhvillohet më 27 janar.

Gjatë takimit të sotëm kryetarja e LSI-së u shpreh se kjo protestë bëhet për të pasur një Shqipëri më të mirë, dhe se do të ishte mëkat për këdo që do të qëndronte indiferent.

“Të dalim dhe të protestojmë në 27 janar,përballë asaj fasade që është e kalbur. Ne mund të mendojmë se kemi shumë të drejtë dhe besojmë tek arsyet tona. Ne besojmë që të luftosh për një sistem drejtësie të barabartë nuk është mëkat. Ne besojmë se për të gjithë njerëzit që nuk kanë mundësi ekonomike dhe të luftojnë për tu bërë si gjithë të tjerët nuk është mëkat. Netuam që të gjitha institucionet të jenë të barabarta. Mëkati më i madh i yni është të rrimë indiferentë ndaj kësaj që po shohim. Vdekja e një kombi është kur ne varfërohemi shpirtërisht. Ju bëj thirrje që në 27 janar të harrojmë flamurin politik dhe të marrim pjesë në atë protestë,për të treguar se duam Shqipërinë. Ne dhe sot pas 27 viteve tranzicion kemi akoma luftë klasash, në atë që janë pro qeverisë dhe ata që janë kundër qeverisë”, tha Kryemadhi.

Për të marrë lajmet e fundit të “DuaLajm.com”, ndiq edhe faqen tonë në Facebook