Ballina Aktualitet Lufta kundër terrorizmit/ DASH nxjerr raportin: Shqipëria ka qenë një mbështetëse e...

Lufta kundër terrorizmit/ DASH nxjerr raportin: Shqipëria ka qenë një mbështetëse e fuqishme, ndihmoi me armë dhe municione

Departamenti Amerikan i Shtetit ka publikuar raportin për luftën kundër terrorizmit për vitin 2016, në të cilin vlerëson përpjekjet dhe kontributin e Shqipërisë në luftimin e këtij fenomeni.

“Shqipëria ka qenë një mbështetesë e fuqishme e luftës kundër terrorizmit në vitin 2016 dhe vazhdoi pjesëmarrjen e saj në radhët e Koalicionit Global për mposhtjen e ISIS, duke bërë donacione të shumta armësh dhe municionesh”, thotë raporti. 

Dokumenti zyrtar cilëson dhe datat 4 dhe 5 nëntor të vitit të kaluar, kur një operacion i mirëorganizuar çoi në arrestimin e 4 personave, të cilët dyshoheshin se do të kryenin një sulm terrorist gjatë ndeshjes Shqipëri-Izrael.

LEXO EDHE:  Ishte zotuar se do të shkatërronte rajonin, ekzekutohet nga një sulm ajror "007 i Ballkanit"

“Operacioni parandaloi një sulm potencial terrorist që do të kryhej gjatë ndeshjes Shqipëri-Izrael, e vlefshme për Kupën e Botës, që do të luhej në Shkodër më datë 12 nëntor”, vijon raporti.