Ballina Aktualitet Misteri i vlonjates që kishte afro 300 mijë euro në llogari bankare,...

Misteri i vlonjates që kishte afro 300 mijë euro në llogari bankare, ja ku dyshon policia

Në qytetin e Vlorës, specialistët e krimit ekonomik kanë sekuestruar pasurinë bankare të shtetases 57-vjeçare, të dyshuar për vepër penale.

Gruaja zotëronte 298.324 Euro në dy llogari bankare të saj, vlerë e cila dyshohet për pastrim parash.

Materialet kanë kaluar nën hetim nga Prokuroria e Rrethit Gjyqësor Vlorë, për veprën penale ”Pastrimi i produkteve të veprës penale ose veprimtarisë kriminale”.

Njoftimi i policisë:

“Vlorë

Sekuestrohen llogari bankare me shumën monetare prej 298.324 Euro !

Specialistët e Seksionit për Hetimin e Krimit Ekonomik e Financiar në Drejtorinë Vendore të Policisë Vlorë në bashkëpunim me Prokurorinë e Rrethit Gjyqësor Vlorë, ditën e sotme kanë bërë të mundur sekustrimin e dy llogarive bankare të shtetases T.B., 57 vjeçe, banuese në Vlorë, me një shumë totale prej 298.324 Euro.

Materialet hetimore iu referuan Prokurorisë së Rrethit Gjyqësor Vlorë për veprën penale ”Pastrimi i produkteve të veprës penale ose veprimtarisë kriminale”, parashikuar nga neni 287 të Kodit Penal”.

Për të marrë lajmet e fundit të “DuaLajm.com”, ndiq edhe faqen tonë në Facebook