Ballina Aktualitet Paralajmëron Nard Ndoka, skandal pas skandali do plasë në qeverinë Rama

Paralajmëron Nard Ndoka, skandal pas skandali do plasë në qeverinë Rama

Kreu i PDK, Nard Ndoka thotë se situata mund të dalë jashtë kontrollit nga skandalet e shpeshta që po i ndodhin kësaj qeverie.

Për Ndokën, kryeministrit Rama do ti duhet të përballet me pasoja të rënda, të pajustifikueshme e ku do të shkaktojë irritim të qytetarëve.

Muajt e ardhshëm do të jenë vendimtarë dhe shumë skandale do të dalin në shesh. Sipas tij do të merren vesh të gjitha lidhjet e Ramës me grupet kriminale.

“Do ketë skandale që do shpërthejne dhe Rama i di kush janë bashkëpunëtorët e tij,… por ka zgjedhur ca kalamaj që i binden”, thekson kreu i PDK.

Fjalët e plota të Nard Ndokës:

“Varet se si do jenë zhvillimet ndaj thashe, Rama e ka aq nuhatje se e kupton si do jetë janari, shkurti, marsi për Ramën, për faktin se do ketë një ballafaqim aq të madh sa jo gjithmonë shkohet te kryeministria, do ketë një rritje, përshkallëzim, situatat do dalin jashtë kontrollit, ai e kupton këtë, mund të ndodhet përballë një realiteti që qytetarët do kërkojnë ta nxjerrin nga zyra, se do kemi skandale pas skandalesh. Ai e di kush kanë qenë ministrat e tij, me kë kanë bashkëpunuar ministrat e tij, me cdo grup deputetësh ka pasur një biznesmen që e kemi në Parlament në mënyrë të kamufluar, pavarësisht njerëzit s’i njohin kush janë, cdo qark, i pari i këtij qarku këto ministrat e famshëm kanë qenë të lidhur me këto grupe kriminale. Do ketë skandale që do shpërthejne dhe Rama i di kush janë bashkëpunëtorët e tij,… por ka zgjedhur ca kalamaj që i binden”.

 

Për të marrë lajmet e fundit të “DuaLajm.com”, ndiq edhe faqen tonë në Facebook