Ballina Aktualitet Pranga 5-ish zyrtarëve të Hipotekës në Korçë

Pranga 5-ish zyrtarëve të Hipotekës në Korçë

Drejtoria Vendore e Policisë së Korçës dhe Specialistët e Seksionit për Krimin Ekonomik-Financiar, bënë ekzekutimin e urdhërit të Prokurorisë për vendimin e Gjykatës së Shkallës së Parë për ndalimin e shtetasve:

  • L.B, 33 vjeç, banues në Korçë, (me detyrë ish-Drejtor në ZVRPP-Korçë).
  • E.G, 34 vjeç, banues në fshatin Barç, (ish-punonjës në ZVRPP-Korçë)
  • A. H, 28 vjeçe, banuese në Korçë, (me detyrë regjistruese në ZVRPP-Korçë) të tre për veprat penale parashikuar nga nenet 248, 143/2, 186, 192/a të Kodit Penal.
  • E. A, 36 vjeç, banues në Korçë, (ish-punonjës në ZVRPP-Korçë) nenet 143/2 dhe 186 të Kodit Penal,
  • A. Z, 65 vjeç, banues në Korçë, neni 245/1 i Kodit Penal.

Vendimi për këto shtetas, me masën e sigurisë “Arrest me burg” pasi në bashkpunim me njëri-tjetrin, dyshohet se i’u kanë marrë qytetarëve, sasi lekësh duke i’u përpiluar dokumenta, për regjistrim pasurish të cilat rezultonin me probleme në përfitimin e çertifikatës së pronësisë.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme hetimore.