Ballina Aktualitet “Sa TURP që e gënjen Presidentin Juncker ky Kryeministri ynë!”

“Sa TURP që e gënjen Presidentin Juncker ky Kryeministri ynë!”

Nga Bujar Nishani

Presidenti i Komisionit Evropian Zhan Klod Juncker në kuadrin e një turi ballkanik vizitoj edhe Tiranën.

Një vizitë kjo shumë e mirëpritur dhe inkurajuese për procesin e integrimit Evropian të Shqipërisë.

Opinioni publik priste me shumë interes konferencën e shtypit të lajmëruar nga Kryeministria për të dëgjuar se çfarë raportimesh të rëndësishme dhe inkurajuese i kishte paraqitur Kryeministri i vendit Presidentit të Komisionit si arritje të Shqipërisë.

Ne tashmë e dimë që janë 5 (pesë) prioritetet kyçe mbi të cilat ngrihet i gjithë procesi deri në hapjen e negociatave.

Kryeministri ynë jo thjesht na zhgënjeu, por na bëri me turp të gjithëve.

E pra ne nuk jemi të gjithë njësoj !

Kësisoj ne nuk e pranojmë këtë Turp, ndaj të paktën e denoncojmë.

Po pse na bëri me turp?

Sepse e gënjeu publikisht, në konferencë zyrtare shtypi dhe përpara të gjithë opinionit publik, Presidentin e Komisionit.

Kryeministri nuk na tha asgjë dhe asnjë fjalë rreth 5 prioriteteve kyçe.

Asnjë “track record” në këto 5 fusha!

“Vetingu ka larguar 17 (shtatëmbëdhjetë) prokurorë e gjyqtarë”, raporton Kryeministri.

Sa TURP që e gënjen Presidentin Juncker ky Kryeministri ynë!

Deri në momentin e konferencës për shtyp, trupa e ngritur për vetingun nuk ka raportuar as edhe një rast të vetëm të skualifikimit të një gjyqtari apo prokurori pas vetimit përkatës. As edhe një !

Në fakt nuk ka se si ta raportoj atë se proçesi sapo ka nisur nga një listë fillestare e deklaruar publikisht. Proçes që me siguri do ti duhet të kaloj edhe në dyert e gjykatave të ndryshme.

Ata 6-7 prokurorë e gjyqtarë që janë deklaruar si të tërhequr (me ndonjë përjashtim të rrallë) janë larguar të gjithë për shkak të mbushjes së moshës së pensionit ose mbarimit të mandatit në Gjykatën e Lartë dhe Kushtetuese.

LEXO EDHE:  Sa lëkundje ndodhën pas tërmetit me magnitudë 5.1 ballë, çfarë pritet të ndodhë

Po pse sforcohet deri në atë masë Kryeministri ynë që të gënjejë edhe Presidentin e Komisionit Evropian, faqe të gjithë opinionit publik ?

“Tërheqja e Prokurorit të Përgjithshëm bëri të mundur hapjen e dosjeve të korrupsionit” raportonte ky Kryeministër për Presidentin e Komisionit !

Prokurori i Përgjithshëm nuk u tërhoq nga posti i tij. As edhe një ditë. Përfundoj cik më cik mandatin e vet.

Se cila ka qenë performanca e tij gjatë atij mandati është çështje tjetër.

Por Kryeministri nuk mund ti thotë Presidentit të Komisionit se e hoqi Kryeprokurorin dhe tani ka filluar goditjen e korrupsionit !

Kjo është një sjellje që na bën me turp të gjithëve.

Cili korrupsion po goditet ?

Arrestimi i një drejtori dhe thirrja për intervistë e ministrave të partisë tjetër gjatë bashkëqeverisjes, qenka “truck recordi” i luftës ndaj korrupsionit ?

Kryeministri nuk ka patur të raportoj asnjë “track record” (për ndonjë hetim makar) të dhjetra denoncimeve të medias investigative dhe opozitës për aferat e ÇEZ, ARMO, CHECK-UP, INCENERATOREVE, PLATFORMEN KANABIS e plotë të tjera që siç po quhen tani “peshqit e mëdhenj”.

Do të ishte e pa drejtë në fakt të kërkohej ndonjë rezultat nga ajo që po quhet reforma e sistemit të drejtësisë.

Sepse ai është një proces që do kohë të gjatë që të demonstrojë rezultate.

Ndryshimet Kushtetuese të korrikut 2016 ishte hapi domethënës dhe në fakt i vetmi deri tani që demonstroj nisjen e një procesi të rëndësishëm.

Por më pas ky proces është goditur rëndë me përfshirjen e ish bashkëpunëtorëve të Sigurimit të Shtetit, të drejtuesve të partisë komuniste (ekstremi i majtë), të dënuarve nga drejtësia dhe të militantëve partiakë në institucionet e reja të drejtësisë shqiptare.

LEXO EDHE:  Mbesa e Bujar Nishanit, modelja provokuese shfaqet duke pozuar lakuriq (FOTO+18)

Në vend të dezinformacionit për çështjet e drejtësisë, Kryeministri do duhet të raportonte tek Presidenti i Komisionit situatën me luftën kundër krimit të organizuar.

Tani jo vetëm që transporti i kanabisit nuk resht por ka marrë përmasa të frikëshme trafiku i heroinës nga Shqipëria.

Shqipëria nuk është një vend që prodhon heroinën. Jo !

Por opinioni publik ka parë se ajo sasi heroine që sekuestrohet është e gjitha heroinë që DEL nga Shqipëria drejt vendeve të BE. Asnjë gram nuk është sekuestruar gjatë HYRJES në territorin shqiptar. Ky fakt flet më shumë se çdo video-show me fjalime përpara policëve që nuk kanë më asnjë fije besimi tek mekanizmi që duhet të venë në punë.

Opinioni publik priste të dëgjonte se çfarë i kishte raportuar Kryeministri i Shqipërisë Presidentit të Komisionit Evropian për goditjen e 40 grupeve të mëdha kriminale.

Aktiviteti i tyre kriminal tashmë është pranuar publikisht.

Qeverisë ju deshën 4 vite që të zbulonte dhe identifikonte ekzistencën e këtyre grupe të organizuara kriminale.

Por gjatë vitit të pestë nuk shihet asnjë rekord për nisjen e goditjes së tyre, të pasurive të tyre kriminale.

Opinioni publik i njeh mirë se cilët janë këto grupe dhe figurat më prominente të krimit në Tiranë, cilët janë ata në Durrës, cilët janë ata në Vlorë, cilët janë ata në Shkodër, cilët janë ata në Elbasan, cilët janë ata në Fier, e kështu me radhë.

Ata vazhdojnë veprimtaritë intensive kriminale dhe miqësitë afirmative elektorale.

Ky është i vetmi “track record” që kemi nga raporti me botën e krimit.

Ne qytetarët prisnim me shumë interes komunikimin e Kryeministrit në këtë vizitë të rëndësishme të Presidentit Juncker në Shqipëri.

LEXO EDHE:  Dëmton seriozisht zemrën! Kujdes nga ky produkt që e përdorim pothuajse çdo ditë

Por kur pamë e dëgjuam se si Kryeministri gënjente faqe të gjithëve edhe Presidentin e Komisiomit, u ndjemë të turpëruar.

Integrimi i Shqipërisë në BE është një çështje shumë serioze. Një çështje shtetërore, një çështje madhore.

Si mund të sillet kështu një Kryemimistër?

Shqipëria ka 25 vjet që është angazhuar dhe përfshirë shtetërisht në këtë proces. Sigurisht do vijoj angazhimin edhe më tej, madje më me shumë intensitet, pavarësisht nëse do mund të jetë pjesë e institucioneve zyrtare të Unionit në 10, 15 apo 25 vitet e ardhshme.

Ky proces që nuk është veçse shqiptar por dhe evropian do vijoj të mbetet prioritet për shqiptarët.

Për fatin tonë të mirë Komisioni Evropian, përtej problematikave që ne kemi në lidhje me 5 prioritetet ka një qëndrim të konsoliduar në dhënien e rekomandimit për hapjen e negociatave.

Por, pasi dështuam herën e shkuar, ne duhet të shpresojmë në bujarinë e Këshillit Evropian (vendet anëtare) që ka në dorë vendimin për hapjen e negociatave, çka do të ishte një hap shumë i rëndësishëm për vijimin e procesit.

Pikërisht për këtë, Kryeministri dhe qeveria shqiptare duhet të jenë shumë seriozë.

Të trajtosh këtë çështje kaq të rëndësishme shtetërore me aq lehtësi sa të thuash edhe gënjeshtra përpara Presidentit të Komisionit Evropian është e pabesueshme.

Por kur ajo ndodh në të vërtet, bëhemi me turp !

Të paktën ta denoncojmë pasi nuk jemi të gjithë njësoj.

Për të marrë lajmet e fundit të “DuaLajm.com”, ndiq edhe faqen tonë në Facebook