Ballina Aktualitet Tabaku i kundërpërgjigjet Ahmetajt: Boll gënjeve, thuaji shqiptarëve të vërtetën, bizneset po...

Tabaku i kundërpërgjigjet Ahmetajt: Boll gënjeve, thuaji shqiptarëve të vërtetën, bizneset po mbyllen

Nënkryetarja e Komisionit të Ekonomisë, Jorida Tabaku ka reaguar pas deklaratës së dhënë nga ministri i Financave, Arben Ahmetaj, i cili tha se sot ka më shumë biznese të hapura.

Përmes një postimi në Facebook, Tabaku ka hedhur poshtë deklaratën e ministrit të Financave ku theksoi se Ahmetaj gënjen si në media ashtu dhe në komisioni,pasi e vërteta është krejt ndryshe.

Postimi i Jorida Tabakut

A po mbyllen bizneset në Shqipëri?

Ministri Ahmetaj sot iu përgjigj kryetarit të opozitës për shifrën e bizneseve që nuk paguajnë më taksa, pra janë të mbyllura, duke këmbëngulur që sot ka më shumë biznese të hapura se një vit më parë. Ironikisht, ministri mbështetej jo tek Drejtoria e Tatimeve prej nga ku buron shifra e 1747 bizneseve të mbyllura por nxjerr një shifër nga Qendra Kombëtare e Regjistrimit. Arsyeja e shmangies është e thjeshtë; sipas ligjeve dhe rregullave në fuqi një biznesi për t’u çregjistruar përfundimisht i duhet më shumë se një vit punë intensive. Për rrjedhojë shifra e paraqitur në QKR ka disa “mangësi” të karakterit procedural, të cilat ministri i përdor për të fshehur të vërtetën.

Nuk është e re që bizneset sot paguajnë më shumë taksa pothuajse sa 60% e xhiros, që sot paguajnë fatura më të larta energjie elektrike e që nga Prilli bizneset e vogla do të kenë dhe TVSH prej 20% që do të vendosë në kushte mbijetese pjesën më vitale të ekonomisë shqiptare.

Nuk është habi që ministri Ahmetaj të gënjejë si në media ashtu edhe në komisione. U bënë mbi katër vite që shqiptarëve u ofrohen shifra të rreme mbi rritjen ekonomike, borxhin publik apo vlerën e PPP-ve. Fatkeqësisht disa njerëz as nuk skuqen dhe as turpërohen kur manipulojnë të vërtetën, por realiteti është ndryshe. Atë e tregojnë bizneset që cdo ditë mbyllen.

Për të marrë lajmet e fundit të “DuaLajm.com”, ndiq edhe faqen tonë në Facebook