Ballina Aktualitet Tatimet vijojnë “gjuetinë” për kuponin, ndëshkohen 7 subjekte të njohura në zonat...

Tatimet vijojnë “gjuetinë” për kuponin, ndëshkohen 7 subjekte të njohura në zonat turistike

Drejtoria e Tatimeve vijon aksionin në terren për evidentimin e bizneseve që nuk lëshojnë kuponin tatimor.

Kontrollet janë përqendruar së fundi në Tiranë, Durrës dhe Korçë.

Kryesisht vëmendja është e përqendruar tek bizneset në zonat turistike që kanë aktualisht edhe fluksin më të madh të qarkullimeve.

Drejtoria e Hetimit bën me dije se po ushtron kontrolle të detajuara ndaj subjekteve, që kanë veprimtari ekonomike në zonat turistike të qarkut Durrës dhe Korçë, përkatësisht nga Gjiri i Lalzit në Spille dhe nga Pogradeci, në Dardhë e Voskopojë.

Gjatë kontrolleve në këto zona, janë ndërmarrë masa të ndryshme ndëshkimore për 7 subjekte, mes tyre hotele dhe restorante me emër në bregdet.

Më konkretisht, u morën masat, si më poshtë vijojnë:

•Për subjektin “Zgara Fierza”, me vendndodhje “Pazari i Ri”, Tiranë, penalizim për moslëshimin e kuponit tatimor për herë të dytë dhe bllokim i ushtrimit të aktivitetit për 30 ditë kalendarike.

•Për subjektin Osman Friza, me vendndodhje “Shkëmbi i Kavajës”, Durrës, penalizim për moslëshimin e kuponit tatimor për herë të dytë dhe bllokim i ushtrimit të aktivitetit për 30 ditë kalendarike.

•Për subjektin Pizza Garden Hallall, me vendndodhje Golem, Durrës, i paregjistruar në organet tatimore, bllokim deri në regjistrimin si subjekt me TVSH.

•Për subjektin bar restorant “Kristal”, me vendndodhje Tushemisht, Pogradec, penalizim për moslëshimin e kuponit tatimor për herë të dytë dhe bllokim i ushtrimit të aktivitetit për 30 ditë kalendarike.

•Për subjektin Elton Mitaçe, me vendndodhje Korçë, penalizim për moslëshimin e kuponit tatimor për herë të dytë dhe bllokim i ushtrimit të aktivitetit për 30 ditë kalendarike.

•Për subjektin Arben Shparthi, me vendndodhje Pirg, Korçë penalizim për moslëshimin e kuponit tatimor për herë të dytë dhe bllokim i ushtrimit të aktivitetit për 30 ditë kalendarike.

LEXO EDHE:  Shqiptari ruante drogën që ta shiste në Greqi, policia ja prish planet dhe e kap me 156 kg marijuanë

•Për subjektin Mimoza Hoxhallari, me vendndodhje Korçë, i paregjistruar në organet tatimore, bllokim deri në regjistrimin si subjekt me TVSH.

Për të marrë lajmet e fundit të “DuaLajm.com”, ndiq edhe faqen tonë në Facebook