Ballina Aktualitet Të pastrojmë administratat nga parazitët, kë po thumbon kryeministri?

Të pastrojmë administratat nga parazitët, kë po thumbon kryeministri?

Kryeministri Edi Rama ka qenë pasditen e sotme në Rrëshen për të zhvilluar një bashkëbisedim me banorët e zonës.

Ky takim i Edi Ramës me banorët e rrëshenit vjen në kuadër të prezantimit të Plalformës së Bashkëqeverisjes me Qytetarët.

Kryeministri Edi Rama u ka bërë banorëve apel që të regjistrohen në platformën www.shqiperiaqeduam.al.

“Platforma “Shqipëria që duam” është instrument i bashkëqeverisjes sonë me njerëzit. Mënyrë e mirë për këdo për të trajtuar me qeverinë drejtpërdrejt një problem konkret që mund të ndodhë në një zyrë, apo për të trajtuar ide e nisma që janë në interes për komunitetin. Platforma hasi nënqeshjen kombëtare si pasojë e një periudhe të gjatë premtimesh e zhgënjimesh, dhe që nuk besuan tek kjo platformë, faktet tregojnë të kundërtën.

Ne kemi marrë 1640 shqetësime nga njerëz në gjithë Shqipërinë, dhe 1400 prej tyre janë të zgjidhura, probleme të të gjitha natyrave. Ato që nuk kryejnë siç duhet detyrën, shkarkohen. E kam përsëritur gjithmonë, që nëse duam ta pastrojmë administratën nga parazitët, këtë mund ta bëjmë vetëm sëbashku. Na duhet paralelisht që ne të dimë kush e pengon sot qytetarin në zyra, dhe këtë nuk e marrim vesh nga kontrollet e inspektimet, por vetëm nëse qytetari denoncon rastin me një mesazh përmes platformës. Nuk kemi asnjë rast sot që nuk trajtohet në kohë. Të gjithë ato që trajtohen në platformë, u jepet përgjigjet direkt. Se ankesat nuk shkojnë në institucione të ndërmjetme, por direkt te ministria e drejtësisë,” tha Rama gjatë fjalës së tij.

LEXO EDHE:  Shpërthen Eni Vasili: Ky popull nuk i meriton politikanët si Ben Blushi!

Për të marrë lajmet e fundit të “DuaLajm.com”, ndiq edhe faqen tonë në Facebook