Ballina Aktualitet U përgjua duke kërkuar para, Gjiknuri: Akuza ndaj meje një shashkë, një...

U përgjua duke kërkuar para, Gjiknuri: Akuza ndaj meje një shashkë, një thashethem

Ministri i Energjitikës dhe Infrasturkturës, Damian Gjiknuri ka reaguar për herë të parë lidhur me akuzën se emri i tij, është regjistruar duke folur në telefon me një person që ndodhej nën hetim për afera korruptive.

Në media u shkruajt se ishin dy ministra të qeverisë Rama, të regjistruar duke folur me një person nën hetim, ndërsa dosja ndodhej në Gjykatën e Elbasanit.

Më pas ishte deputeti demokrat Agron Shehaj, i cili përmes një komenti në rrjetet sociale ka publikuar emrat e ministrave, njëri prej të cilëve ishte Damian Gjiknuri.

Mirëpo Gjiknuri e cilësoi si një shashkë akuzën, një thashethem që nuk ka asnjë gjë të vërtetë.

“Meqë isha në Amerikë do të dilte dikush këtej nga Shqipëria të hidhte një shashkë. Është një thashetheme që nuk ka asgjë të vërtetë.

Përsa i përket asaj që ka shkruar deputeti Shehaj është njëlloj sikur unë të shkruaj në Facebook që ka llafe që ai ka paguar 800 mijë euro apo 1 milion euro për të qenë në listën e deputetëve për qarkun e Vlorës”, u shpreh Gjiknuri.

Për të marrë lajmet e fundit të “DuaLajm.com”, ndiq edhe faqen tonë në Facebook