Ballina Aktualitet Vettingu në Policinë e Shtetit/ Basha: Ne nuk kemi asgjë kundër që...

Vettingu në Policinë e Shtetit/ Basha: Ne nuk kemi asgjë kundër që të…

Kyetari i Partisë Demokratike, Lulzim Basha diskutoi sot në lidhje me Vettingun në polici, i cili ka shprehur mbështetjen e plotë për këtë reformë.

Basha theksoi se nëse qeveria e dëshiron vërtet këtë proces, atëherë le të shtojë në projektligj që Vetingu të fillojë nga Ministri i Brendshëm, Drejtori i SHKÇBA-së, Drejtori i Pastrimit të Parave etj.

“Nuk është hera e parë që flitet këtu për Veting. E treta herë në 5 vite që Rama flet për Vetingun e Policisë. Ne nuk kemi asgjë kundër që të miratojmë të gjitha normat si një ligj, se nuk ka asnjë nga këto norma që nuk ekzistojnë në ligjet dhe rregulloret përkatëse. Të gjitha ekzistojnë, por nuk zbatohen. Siç nuk zbatohet Strategjia për luftën kundër krimit të organizuar, siç nuk zbatohet Strategjia për luftën kundër drogës. Nuk është problemi se Edi Rama, Saimir Tahiri dhe Fatmir Xhafaj nuk kanë pasur strategji dhe ligje. I kanë pasur të gjitha me bollëk dhe me tepri. Nuk ka vend në Ballkan që të ketë patur më shumë ligje dhe strategjira për luftën kundër krimit e drogës dhe mafias sesa Shqipëria por nuk ka vend në Ballkan dhe Europë ku Kryeministrit dhe qeveria të jenë më të zhytur ën krim e të kapur nga krimi sesa Shqipëria. Nuk ka vend në Europë ta kthyer krimin dhe drogën në ekportin e saj kryesor sesa Shqipëria. Nuk ka vend në Evropë ku policia e tëra u kthye në organizatë kriminale në funksion të drogës dhe krimit me urdhër të ministrit të Brendshëm dhe mbështetjen e Kryeministrit sesa Shqipëria.

Të gjithë e dimë si kemi ardhur këtu, jo për shkak të korrupsionit të policit roje ën Ersekë po për shkak të ish-ministrit të Brendshëm Saimir Tahiri të faktuar nga Antimafia italiane si bashkëpunëtor i krimit të organizuar i trafikut të drogës dhe armëve i zëvendësuar nga një person që përtej lustrimeve nuk i shpëton dot faktit se është denoncuar nga dy persona të gjallë dhe jo të vdekur si torturues në kohën e komunizmit në një çështje jo më pak se hetimi i disa të rinjve që kishin pirë një gotë kur vdiq Enver Hoxha. Një person që nuk ka përgjigje se pse si bashkëpunëtor i reformës në drejtësi, një gjyqtar mund ta largojmë nëse kapet i fotografuar  me një person me rekorde kriminale kur vetë vëllai i ministrit të Brendshëm është i dënuar me vendim të formës së prerë në Bolonja, nga gjykata e Lartë e Italsië ëpr trafik heroine dhe i shpëton dënimit falë manipulimit të Kodit Penal dhe bredh i lirë dhe që të gjithë e dinë se është një nga faktorët kryesorë të narkiotikës në qytetin e Vlorës.

Ne kemi propozuar nëj zgjidhje. Nga ana teknike le t’i grupojmë këto rregulla, por këto rregulla janë një vrimë në ujë kur kërkohet Vetingu i policit roje në Ersekë dhe në krye të Ministrisë së Brendshme ka njerëz pa Veting me lidhje të dukshme dhe të padukshme me krimin e organizuar si ministri , zv.ministrat, drejtori i Pastrimit të Parave në Ministrinë e Financave e shumë drejtorë të tjerë. Kjo është dilema që duhet të zgjidhim sot.

Doni ju Veting?!

Përfshijeni amendamentin tonë, votojeni, që si pjesë e Vetingut të Policisë së Shtetit këtej e tutje të bëhet një Veting i thelluar i Ministrit të Brendshëm, i zv.ministrave të Brendshëm, i Drejtorit të SHKÇB-së, i Drejtorit të Pastrimit të parave dhe gjithë drejtorëve të tjerë të rëndësishëm që Edi Rama gjithë këto vite i ka kthyer në dasmën e krimit të organizuar.

Për të marrë lajmet e fundit të “DuaLajm.com”, ndiq edhe faqen tonë në Facebook