Ballina Aktualitet Vrau komisarin/ Gjykata e Lartë “ia hedh çelsat në det”, Arben Frroku...

Vrau komisarin/ Gjykata e Lartë “ia hedh çelsat në det”, Arben Frroku përjetësisht pas hekurave

SHPËRNDAJE

Gjykata e Lartë refuzon rekursin e Arben Frrokut për mbrojtjen tij. “DuaLajm.com” mëson se vendimi është marrë në dhomë këshilli pa kaluar në seancë gjyqësore. Në këtë mënyrë mbetet në fuqi vendimi i Gjykatës së Apelit për Krimet e Rënda, e cila e ka dënuar Frrokun me burgim të përjetshëm.

Arben Frroku është dënuar si autor i vrasjes së kryepolicit Dritan Lamaj. Më 24 shkurt të vitit 2013, kryekomisari i Policisë Dritan Lamaj, 41 vjeç, u vra me kallashnikov ndërsa ndodhej në makinën e tij Lancia. 41-vjeçari ndërroi jetë në spital.

Autorët e larguan me një makinë BMW të blindurar, automjet në të cilin u gjetën shenjat e gishtërinjve dhe fije floku të biznesmenit Arben Frroku. Vrasja e kryekomisarit në Tiranë ishte treta e një zyrtari të Policisë në tetë muaj.

Arben Frroku aktualisht ndodhet në Holandë dhe është në pritje të ekstradimit. Pas zhdukjes, Frroku u arrestua me urdhër ndërkombëtar arresti. Ai u kap në Schiphol me pasaportë greke të falsifikuar me emrin Renato Çepa.

Comments

comments