Ballina Aktualitet Zyrtarizimi i gjuhës shqipe në Maqedoni, Kryemadhi: Miratimi i gjuhës shqipe, hap...

Zyrtarizimi i gjuhës shqipe në Maqedoni, Kryemadhi: Miratimi i gjuhës shqipe, hap emancipues dhe pranim i barazisë…

Kryetarja e LSI-së Monika Kryemadhi ka komentuar rreth vendimit të marrë nga Parlamenti i Maqedonisë për ligjin e gjuhës shqipe.

Kryemadhi me anë të një statusi në Facebook shkruam se miratimi i ligjit të dygjuhësisë në Maqedoni është një hap tjetër emancipues shtetëror.

Postimi i Kryemadhit:

Pas vendimit për shpalljen festë zyrtare të ditës së alfabetit, ditës së Kongresit të Manastirit, miratimi i ligjit të dygjuhësisë në Maqedoni është një hap tjetër emancipues shtetëror.

Heqja dorë nga tabutë, duke përfshirë heqjen dorë nga emri historik, siç deklarohet; dhe çlirimi nga frika prej gjuhës së tjetrit, përbëjnë dukuri evropianizuese të Maqedonisë fqinje, të cilën Shqipëria e njohu e para si shtet të pavarur.

Të heqësh dorë nga monolinguizmi do të thotë të pranosh barazinë me tjetrin, shumicë a pakicë qoftë. Kufiri i gjuhës nuk kontrollohet nga kufiri i shtetit! Njohja dhe pranimi i këtij realiteti është progres.

Për të marrë lajmet e fundit të “DuaLajm.com”, ndiq edhe faqen tonë në Facebook