Elesid Hysaj do të qëndroj tek Napoli, të paktën për momentin. Blutë refuzuan disa oferta të ardhura për mbrojtësin kuqezi ku me sa duket nuk ishte vetëm çështje ekonomike por dhe taktike. C.Ancelotti ka bërë publikë listën me lojtarët e grumbulluar për këtë edicion të Champions League, mes 24 futbollistëve të përzgjedhur bën pjesë dhe Hysaj.

Për herë të parë në Champions League do të luaj Berat Gjimshiti. Ndryshe nga Hysaj, Gjimshiti shihet si titullar nga trajneri Gasperini. Qendërmbrojtësi i Kombëtares ishte një nga pikat më të forta të Atalantas në sezonin e fundit ku siguruan për herë të parë një biletë për në Champions League.

Nuk ka asnjë surprizë në listën e publikuar nga Lazio për Europa League. Tomas Strakosha bën pjesë në 24 futbollistët e grumbulluar, i projektuar si titullarë absolut dhe lider i prapavijës.