Ballina Bota Europa në alarm, vjen mushkonja që sjell virusin Zika dhe ethet e...

Europa në alarm, vjen mushkonja që sjell virusin Zika dhe ethet e verdha

Mushkonja e “aedes aegypti”, e cila sjell një sërë sëmundjesh të ndryshme tropikale, si Virusin Zika apo ethet e verdha, është tashmë shumë pranë edhe në kontinentin europian.

Alarmi është dhënë nga qendra evropiane për kontrollin e sëmundjeve “ECDC”, e cila fton Vendet e Bashkimit Europian të marrin masa kundër kësaj mushkonje.

Ekspertët thonë se që nga viti 2017 specia jetonte në Madeira, rreth Detit të Zi dhe brigjet turke, ndërsa në vitin që lamë pas, mushkonja u rikthye në Egjipt.

Ndërkohë që në Spanjë janë konfirmuar disa raste në Canarie, ndërsa ekspertët japin alarmin se tashmë do të përhapet frikshëm në mbarë Europën.

“Nëse nuk do të merren masa, thonë ekspertët, mushkonja do të shpërndahet në vendet ekstreme të Europës, duke u bërë një vatër që rrezikon të sjellë viruse të rrezikshme për jetën e njerëzve”, theksojnë ekspertët.

“Aedes aegypti”, kujton Ecdc, ishte shumë e përhapur në Evropën Jugore deri në mes të shekullit të 20-të. Kushtet klimatike evropiane duket se e lejojnë një përhapje dhe rikthim të saj.

Për të marrë lajmet e fundit të “DuaLajm.com”, ndiq edhe faqen tonë në Facebook