Ballina Bota Ishte zotuar se do të shkatërronte rajonin, ekzekutohet nga një sulm ajror...

Ishte zotuar se do të shkatërronte rajonin, ekzekutohet nga një sulm ajror “007 i Ballkanit”

Një tjetër xhihadist nga Kosova është ekzekutuar në Siri. Bëhet fjalë për 26-vjeçarin Orhan Ramadani, i cili konsiderohej dhe si “007 e Ballkanit”.

Lajmi u bë i ditur përmes deklaratës së aleancës ndërkombëtare kundër ISIS, duke e cilësuar atë si një nga katër kosovarët e vrarë, e raportuar nga mediat zvicerane.

26-vjeçari u vra nga si pasojë e një sulmi ajror në Siri. Madje sipas mediave zvicerane thuhet se ISIS ka publikuar një video ku nxjerr në pah “bëmat” e xhihadistit kosovar.

Videoja shoqërohet me këngë në gjuhën shqipe, “Mos qaj nënë, sepse djali yt ka rënë dëshmor. Hapni portat e parajsës”, janë dy prej vargjeve të këngës së ISIS për 26-vjeçarin Orhan Ramadani.

Teksa ishte zotuar se do të shkatërronte të gjithë Ballkanin, kosovari luante dhe rolin e agjentit sekret për çështjet e ISIS-it në gadishullin e Ballkanit. Xhihadisti kosovar ishte rritur në Zvicër.