Ballina Bota Ja kush është një prej “piratëve” shqiptar i cili u arrestua sot...

Ja kush është një prej “piratëve” shqiptar i cili u arrestua sot në Gjermani, aktiviteti i tij nxirrte miliona

Kosova si gjithmonë mbahet për një prej vendeve ku teknologjia godet më fortë dhe intuita është tepër e fortë tek vogëlushët saqë arrijnë të mësojnë bazat e kodimit dhe IT që në 9 vjeçare.

Por kjo sado gjë e mirë të jetë shtyn njerëzit edhe drejt gjërave të këqija siç ka shtyrë këto dy vëllezër që kërkoheshin në Gjermani prej tre vitesh pasi kishin hyrë në rrugën e piraterisë së filmave. Kreshnik dhe Kastriot S. akuzohen nga policia kibernetike si drejtuesit kryesorë të një prej portaleve më të fuqishëm Kinox.to ku nëpërmjet saj ata kanë shpërndarë një mori filmash dhe përmbajtjesh të kopjuara ilegalisht nga serverat e ndryshëm që zotëronin.

Mediat gjermane kanë shkruar se sot u arrestua në Kosovë Kreshnik S., i dyshuar si njëri ndër udhëheqësit e portalit që shpërndante ilegalisht filma, Kinox.to dhe sipas gazetave të vendit ai pritet që të ekstradohet sa më parë në gjermani ku do gjykohet dhe e pret dënimi.

Ata ndodheshin në një arrati që prej tetorit të vitit 2014. Ku në atë kohë, njësitet speciale të policisë kishin hyrë me forcë në shtëpinë e prindërve të dy vëllezërve S., në Lübeck, për ti surprizuar pasi ata jetonin aty, por nuk kishin mundur t`i gjenin.