Ballina Bota Mos paguani më internet, BE hap rrugën drejt internetit falas

Mos paguani më internet, BE hap rrugën drejt internetit falas

Organet evropiane kanë rënë dakord për të instaluar internet falas në qendrat e qyteteve të BE-së deri në vitin 2020.

Plani i ri, i miratuar nga Parlamenti Evropian, Këshilli Europian dhe Komisioni Evropian, do të përfshijë 120 milionë euro (133.6 milionë dollarë) investime për të financuar shërbimet publike falas në 6 000 – 8 000 komuna në të gjitha shtetet anëtare.

“Sipas skemës, komunat, bibliotekat dhe organet e tjera publike do mund të aplikojnë për financimin e instalimeve të pikave të internetit, duke përdorur procedura të thjeshta administrative”, tha Këshilli Evropian.
Deklarata e Presidentit të Komisionit Europian Jean Claude Juncker në fjalimin e tij mbi gjendjen e Unionit në Shtator 2016 thekson se “iniciativa e WiFi4EU është pjesë e rishikimit të telekomunikacioneve të BE-së, për të përmbushur nevojat e lidhjes në rritje të Bashkimit dhe për të rritur konkurrueshmërinë e Evropës”.