Ballina Bota Ndahet nga jeta ish-kryeministri grek Mitsotakis

Ndahet nga jeta ish-kryeministri grek Mitsotakis

Figura e shquar e politikës greke Konstantin Mitsotakis, u nda nga jeta të hënën në moshën 98 vjeçare.

Ishte familja që dha lajmin e keq, duke u shprehur se Mitsotakis në momentet e tij të fundit ishte i lumtur pasi rrethohej nga gjithë të dashurit e tij.

Mitsotakis, Politikani gjysëm shekullor ishte me një karrierë të gjërë duke filluar nga 1990 në 1993.

I lindur në tetor të 1918 në Kretë, Mitsotakis u zgjodh për herë të parë në parlament në moshën 28 vjeç si anëtar i një Partie Liberale. Me një diplomë universiteti në fushën e drejtësisë dhe ekonomisë, ai mbajti disa poste ministrore përpara se të bëhej kryetar i partisë konservatore të Demokracisë së Re në vitin 1984.

Baba I katër fëmijëve, Mitsotakis u largua nga parlamenti në janar të 2004, por mbeti president nderi i Demokracisë së Re.

Djali i tij Kyriakos është aktualisht kreu i partisë së djathtë. Vajza e tij Dora, ish-ministre e Punëve të Jashtme ka mbajtur gjithashtu postin e kryebashkiakes së Athinës gjatë lojërave Olimpike në 2004.