Ballina Bota Rusia bombardon ISIS nga Mesdheu

Rusia bombardon ISIS nga Mesdheu

Ministri rus i Mbrojtjes ka deklaruar se nga Deti Mesdhe, një luftanije ruse dhe një nëndetëse kanë gjuajtur katër raketa lundruese duke synuar pozicionet e grupit ekstremist Shtetit Islamik pranë qytetit sirian të Palmiras.

Gjithashtu ministria ka konfirmuar se objektivat janë goditur me sukses.

Është thënë se Rusia ka informuar Shtetet e Bashkuara, Turqinë dhe Izraelin për këtë plan përpara se të gjuajë raketat.

Derisa Rusia, Shtetet e Bashkuara dhe Turqia janë duke luftuar kundër grupit ekstremist Shteti Islamik, Moska po vazhdon të mbështësë forcat e presidentit sirian Bashar al-Assad. Në anën tjeteër Uashingtoni dhe Ankara-ja po mbështesin grupe të ndryshme rebele.

Rusia ka filluar sulmet me bomba dhe raketa në Siri nga shtatori i vitit 2015. Këto sulme ndihmuan Asadin që të qëndrojë ende në pushtet.