Ballina Bota Sanksione të reja kundër Koresë së Veriut, SHBA: Të bllokohen pasuritë e...

Sanksione të reja kundër Koresë së Veriut, SHBA: Të bllokohen pasuritë e Kim Jong Un, të ndalohet eksporti…

Shtetet e Bashkuara të Amerikës i kanë propozuar OKB-së disa sanksione të reja kundër Koresë së Veriut, duke përfshirë ndalimin e eksportit të naftës dhe ngrirje të pasurive të diktatorit Kim Jong Un.

Propozimi i është shpërndarë anëtarëve të Këshillit të Sigurimit të OKB. Këto propozime për sanksione të reja vijnë pas testit të gjashtë bërthamor dhe lëshimit të përsëritur të raketave.

Koreja e Veriut pretendon se ka ndërtuar një bombë me hidrogjen dhe vijon me paralajmërimet dhe kërcënimet e saj.

Kina dhe Rusia pritet që të kundërshtojnë vendosjen e sanksioneve të tjera, pasi janë shprehur edhe më herët se zgjidhja e krizës bëhet përmes diplomacisë.

Sipas propozimit të SHBA-së, kërkohet ndalimi total i furnizimit me naftë në Korenë e Veriut dhe ndalimi i industrisë së eksportit të tekstileve.

Uashingtoni propozon gjithashtu që Kim Jong Un dhe zyrtarë të tjerë koreano-veriorë të ndalohen të udhëtojnë në vende të tjera të botës.