Ballina Bota VIDEO/ Ramush Haradinaj bën për ujë të ftohtë gazetaren, ja çfarë i...

VIDEO/ Ramush Haradinaj bën për ujë të ftohtë gazetaren, ja çfarë i thotë

Gjatë një konference për mediat që ka mbajtur pas vizitës në Ministrinë e Insfrastrukturës, kryeministri i Kosovës, Ramush Haradinaj, u është drejtuar me një ton ofendues gazetarëve.

Teksa po pyetej nga gazetarët se Ambasada Amerikane nuk do të përkrahë versionin tjetër të demarkacionit, ai jo vetëm që nuk është përgjigjur për këtë çështje, por madje i ka quajtur gazetarët të pashkollë duke i këshilluar se duhet të shkojnë më shumë në shkollë.

“Kam respekt për media shumë, por shumica prej juve, as nuk dini të lexoni anglisht, as nuk po dini t’i kuptoni se çfarë kanë thënë, problemi është i juaji, nuk kam ndonjë koment. Ju po raportoni pa ditë se si po raportoni, besoni, shkoni më shumë në shkollë, shikoni çfarë po thonë ata. E kam lexuar deklaratën e amerikanëve dhe kjo që po thua ti nuk është ashtu. Nuk ka asnjë fjalë diku që thotë ‘nuk pajtohemi me këtë apo me atë”, ka thënë Haradinaj, duke iu drejtuar një gazetareje në konferencën për media.

Për të marrë lajmet e fundit të “DuaLajm.com”, ndiq edhe faqen tonë në Facebook