“Kosova është pjesë e Shqipërisë”! Është kjo deklarata e kryeministrit Rama e cila ka ngxitur debate dhe reagime të shumta.

Ndërkohë një reagim të rreptë ka bërë edhe ministria e Jashtme ruse, e cila e përfaqësuar nga zëdhënësja Maria Zakharova, e ka konsideruar të paparanueshme, dhe se Rusia nuk mund të qëndrojë duarkryq karshi deklaratave të tilla.

Deklarime të tilla, sipas saj, rrezikojnë stabilitetin, përkeqësojnë atmosferën e mirëbesimit në rajonin e Ballkanit dhe komplikojnë dialogun mes Beogradit dhe Prishtinës.

“Në një intervistë për një televizion shqiptar, Edi Rama haptazi tha se për të ‘Kosova është pjesë e Shqipërisë’ dhe se ‘bashkimi i Shqipërisë me Kosovën nuk është Plan B por Plan A’. Ndoshta e kemi pasur përkthimin e gabuar? E kemi kontrolluar disa herë. Kryeministri i Shqipërisë, Edi Rama, e lidhi zbatimin e këtij të ashtuquajturi Plan A me diskutimet aktuale për korrigjim të kufijve në rajon në kuadër të procesit negociues për një marrëveshje të përshtatshme mes Beogradit dhe Prishtinës”, ka thënë Zakharova, raporton Koha.net.

“Ne konsiderojmë se retorika të këtillë janë krejtësisht të papranueshme. Në të vërtetë, ka të bëjë me shkeljen e integritetit territorial të Serbisë dhe statusin e Rajonit Autonom të Kosovës në kundërshtim me Rezolutën 1244 të KS të OKB-së”, tha ajo, duke kërkuar edhe reagimin e Perëndimit, të NATO-s dhe të BE-së për “plane të këtilla gjeopolitike”,- deklaroi Zakharova