Ballina Edukim Nesër provimi i parë i maturës , monitorim i rreptë

Nesër provimi i parë i maturës , monitorim i rreptë

SHPËRNDAJE

Një ditë përpara provimit të detyruar të Maturës Shtetërore, ministrja e Arsimit Mirela Karabina u bën thirrje mësuesve dhe nxënësve se procesi do të monitorohet rreptësisht.

“Ne do të monitorojmë nga afër çdo aspekt të këtij procesi duke mos lejuar asnjë ndërhyrje që mund të ndikojë në cënimin e standardeve të këtij procesi kaq të rëndësishëm dhe me ndikim të gjerë në opinionin publik.”

Karabina u shpreh se çdo mënyrë shkeljeje do të dënohej dhe do të merrej masë e fortë.

Çdo presion apo premtim i bërë maturantëve është i papranueshëm dhe në të gjitha rastet e evidentuara janë pjesë e procesit të verifikimit nga ana e MAS. Cdo shkelje e evidentuar do të ndëshkohet me rreptësinë më të madhe sipas legjislacionit në fuqi.”

Maturantet vetë mund të denoncojnë ku ka shkelje të rregullave përmes një numër telefoni që do të publikohet në faqen e internetit të MAS.

Maturantët të hënë nisin sfidën e tyre të parë duke iu nënshtruar provimeve më të rëndësishme të mbylljes së sistemit arsimor parauniversitar.

Comments

comments