Ballina Ekonomi Sezoni turistik në Durrës, ankesa për ujin e pijshëm

Sezoni turistik në Durrës, ankesa për ujin e pijshëm

SHPËRNDAJE

Sapo ka nisur sezoni i ri turistik në qytetin e Durrësit, por duket se gjërat nuk po shkojnë siç duket për qytetarët dhe bizneset të cilët  ankohen për furnizimin me ujë të pijshëm, në zonën e plazhit.

Kjo vjen si pasojë e shtimit të përdoruesve të tij. Për këtë arsye shoqëria e ujësjellës kanalizimeve në këtë qytet po punon për vënien në punë të një linje të re furnizimi nga Cerma e Lushnjes ndërkohë që ndodhen në fazën përfundimtare punimet për rrjetin e ri që mbulon zonën nga ura e Dajlanit deri në Plepa.

“Shoqëria me kapacitetet aktuale ka pasur problematika të vazhdueshme për këtë zonë gjatë periudhës turistike dhe ne na është premtuar që në fund të muajit maj të merrej në dorë një investim i ri me fondet e buxhetit të shtetit që do të ndikojë dukshëm në përmirësimin e cilësisë me 140 m3/s. Shoqëria jonë ka marrë të gjitha masat e duhura për realizimin e këtij investimi brenda kohës dhe të mos krijoje pengesa në mbarëvajtjen e sezonit turistik”, thotë Stela Nenada, koordinatore e projektit ne UKD.

Ky investim kap vlerën e 170 milion lek të reja dhe pritet t’u shërbejë mbi 21 000 banorë rezidentë gjatë gjithë vitit ne plazh, si dhe pushuesve të shumtë që frekuentojnë këtë pjesëe të bregdetit të Adriatikut.

Comments

comments