Nga ndryshimet e reja që u bënë në kabinetin qeveritar ka reaguar ditën e sotme dhe deputetja e Partisë Demokratike, Jorida Tabaku, e cila u shpreh se sipas saj makiazhi i vendosur nga qeveria nuk e mbulon dot mollën e kalbur që po helmon me taksa të larta qyetarët shqiptarë. 

Në reagimin e saj në Facebook Tabaku nuk ngurron të kritikojë kryeministrin Edi Rama duke theksuar se ndryshimet e bëra në qeveri nuk zgjidhin asgjë, teksa shton se me taksat e reja rrezikohet të rritet numri i bizneseve të mbyllura dhe se qytetarët do detyrohen të paguajnë më shumë.    

“Sado që kryeministri përpiqet të ndryshojë fasadën e qeverisjes ajo është e kalbur së brendshmi. Zëvendësimi i ministrave nuk zgjidh aagjë pasi filozofia drejtuese e qeverisë dhe kryeministrit nuk ka ndryshuar. Përkundrazi, rrethi është bërë edhe më shumë personal duke shkuar kësisoj në një qorsokak edhe më të rrezikshëm për Shqipërinë dhe shqiptarët.

Në janarin 2019 bizneset dhe qytetarët do të paguajne taksën e rritur të pronës. Mbi 100 mijë biznese dhe gjithashtu të gjitha familjet shqiptare do të detyrohen të paguajnë një taksë të rritur mbi pronën për të mbushur arkën e PPP-ve që qeveria do të shpërndajë. Rritja e taksave 2 deri në 4 herë për të gjitha bizneset rrezikon të rrisë numrin e bizneseve të mbyllura në mbi 60 biznese në ditë.

LEXO EDHE:  Mbyllja e basteve, Rama publikon këngën e bixhozçiut të pikëlluar (VIDEO)

Në këto ditë,kur qeveria ndryshon makiazhin dhe vendos një fasadë të re ajo vazhdon të jetë e njëjta mollë e kalur që po helmon me taksa të larta dhe PPP qytetarët e vendit”,- ka shkruar Jorida Tabaku në Facebook.