Policia e Shtetit përmes një postimi në “Facebook” ka publikuar emrat e 22 personave më të kërkuar për qarkun e Tiranës. Gjithashtu ky institucion kërkon ndihmën e qytetarëve që të kontribuojnë me informacione në lidhje me vendndodhjen e tyre.

“Policia e Shtetit fton cilindo që ka dijeni mbi vendndodhjen e tyre të telefonojë Policinë në numrin pa pagesë 112, apo të dërgojë imazhe e informacion në aplikacionin “Komisariati Dixhital”, duke ju garantuar anonimatin. Ndihmo dhe ti në sigurinë publike”, njofton policia.

Veprat penale për këta persona janë të shumta ndërsa në listë ka prej tyre që janë dënuar edhe me burgim të përjetshëm.