Eni Çobani është shoqëruar mesditën e sotme në komisariatin e Policisë së Gjirokastrës pas një denoncimi të bërë nga shtetasja Rudina Islamaj për kërcënim.

Debati nisi në Gjykatën e Apelit të Gjirokastrës, ku Islamaj gjendet në gjyq me familjarët e ish-bashkëshortit për një shtëpi tre katëshe në këtë qytet, shkruan Albeu.com.

Kjo histori nuk është aspak e panjohur për publikun shqiptar. Madje, ajo e ka tronditur dy herë opinionin publik. Njëherë me në skandal seksual ku u përfshi një gjyqtar i Gjykatës së Gjirokastrës dhe herën tjetër nga denoncimi publik i bërë nga vjehrra, e cila pretendonte se ishte dhunuar nga ish-nusja e djalit, pra Rudina Islamaj.

Çështja shkoi tek “Shihemi në gjyq” e drejtuar nga Eni Çobani ku duket se kjo e fundit tashmë po bën mbrojtjen e vjehrrës me emrin Merushe.

Çfarë ka ndodhur
Dy vite më parë, Islamaj akuzoi gjyqtarin Guximtar Boçi se e ngacmonte seksualishte duke inçizuar edhe momente nga skenat e pretenduara.

Islamaj pretendonte se Boçi i kërkonte favore seksuale në këmbim të dhënies së një vendimi pro asaj për çështjen e pronës në Gjirokastër.

Inçizimet u publikuan në emisionin “Stop” dhe gjyqtari u shkarkua me vendim të KLD-së.

E njëjta histori, u publikua edhe në emisionin “Shihemi në gjyq”, ku tashmë ishte vjehrra Merushe që akuzonte nusen se e kishte rrahur dhe po i merrte pronën. Në atë kohë, pra prill 2016, Eni Çobani i premtonte Merushes së do të merrej vetë më çështjen e saj.

Historia e publikuar tek “Shihemi në gjyq”
Rrëfen Merushja: “Në 2007 bleva shtëpi nga djali se do ta shiste i thoshte nusja do iki në Tiranë. Kur ia bleva djalit shtëpinë i kam dhënë 40 mln lekë e shkruajti noteri, e regjistrova në hipotekë që jam pronare e vetme e asaj shtëpie. Në kohën kur ma shiti shtëpinë kishin bërë dokumente të merrnin 7 milionë lekë të ngremë punën thoshin. Morën kredi 70 mln lekë, e mora vesh në gjyq se erdhi banka të na merrte shtëpinë. Se këta nuk kishin paguar kredinë. Gjeta lekë poshtë e përpjetë që e shpëtova shtëpinë. Ka dhe faj djali im nuk është vetëm faji i nuses, se ai i shpërdoronte lekët. Kur erdhi sekuestro djali më tha neve s’kemi pronë bë c’të duash. Nusja më rrahu, më tha u bëre t’i të na shpiesh neve në Prokurori. Vajta në polici, mora edhe urdhër mbrojtje. Prokuroria vendosi që nusja të qëndronte në shtëpinë time. Kërkoi urdhër mbrojtje për mua. Mihalit i hodhën hekurat se i thoshte gruaja e tij policisë që do të më vrasë burri. Erdhi policia e nxorri jashtë Mihalin. Në shkurt të 2015 është divorci mes tyre”.

Kushëriri i saj që e strehon në shtëpi tregon se si arriti zonja Merushe të mbetet në mes të 4 rrugëve. “Jemi rritur të dy jetim, ajo në shtëpi të fëmijës dhe unë pa baba. Për 40 vjet kemi jetuar afër njëri-tjetrit, kish një bashkëshort shembullor që ka vdekur para 15 vitesh. La dy vajza dhe një djalë. Punonte shumë. Kur vdiq shtëpinë ia la prikë vajzës së pamartuar. Ishte një ndërtetsë me tre kate. Ka edhe një djalë në shtëpi dhe një vajzë të martuar. Por edhe këtyre iu hyri krimbi, janë katandisur në zero. Djali mënjanë kjo mënjanë. djali i ndarë me nusen me dy fëmijë pëllumba, ç’kusur kanë ata. Kjo vjen tek mua kam 30 muaj që e mbaj se flinte në garazh, shtëpi bëri dhe shtëpi nuk ka. Unë jam invalid pensionist për vete”,- tha ai.

LEXO EDHE:  E paprecedentë/ Të burgosurit meshkuj në Australi thyejnë muret dhe shkojnë te të të burgosurat femra për seks

Por çfarë ndodhi pas divorcit të djalit të Merushes me nusen? E moshuara tregoi se shtëpinë ia ka marrë nusja dhe i ka nxjerrë përjashta duke qenë se kishte urdhër mbrojtje.

“Jam në hall të madh, ajo më rreh më ngre kallëzim. Nuk më ka ndihmuar as policia as prokuroria. Ka bërë kallëzim penal, gjyqi është bërë pa prezencën time. Unë e kam shtëpinë me dokumente me të tëra, ajo ma ka ngritur kallëzimin që e kam rrahur unë atë, kur unë isha në spital. Djali nuk është në gjendje, të vijë të thotë se pata besim tek gruaja ja lashë asaj të tëra dhe falimentova”.

Ndërsa vjehrra tregon historinë në studio telefonon nusja R, e cila nis të debatojë me ish-vjehrrën dhe pretendon që shtëpia nuk është në emër të zonjës Merushe, e cila, sipas R ka falsifikuar dokumentet.

R: E kisha vendosur të mos merrja pjesë në këtë emision, por me të pavërtetat që u thanë aty nuk munda të rezistoja. Jam R. I dhe vi nga qyteti i Gjirokastrës. Unë nuk kam shitur pronë, është kontratë fiktive, çështja po ndiqet nga Prokuroria dhe gjykata.

Merushja: Si jeton ti pa frikë, kur vjen nga klubet në një shtëpi që të rrahin?

R: Ajo është e akuzuar për dhunë në familje ndaj meje dhe fëmijëve të mi.

Merushja i tregon fotot ku shfaqet me shenja në fytyrë: Shikoji faktet!

R: Ato janë montazhe. Kush i ka bërë do mbajë përgjegjësi, bashkë me ato raportet mjekësore që ke manipuluar. Për sa i përket çështjes së pronës nuk kam pasur arsye që ta shes. Nuk është e vërtetë që ka pasur lekë dhe ia paska lënë burri. Të mbajë përgjegjësi

Merushja: Nusja ka ikur nga shtëpia para 8 vitesh e la burrin, pas 8 muajsh e lutja në shtëpi hajde ktheu moj R. Kur iku mori edhe torbën me lekë. Tani po bën aktoren

R-kushëririt: Imer Mezini ajo nuk jeton në shtëpinë tënde, është mashtrim dhe do përgjigjesh.