Policia Kufitare e Portit të Durrësit, krahas përpjekjeve për të ofruar një shërbim sa më cilësor për qytetarët që qarkullojnë nëpërmjet Portit të Durrësit, është e angazhuar maksimalisht edhe në drejtim të parandalimit dhe goditjes së paligjshmërisë.

Gjatë 12 orëve të fundit Policia Kufitare e Portit të Durrësit ka evidentuar dhe goditur katër raste të kontrabandës me mallra që paguhet akcizë.

Sekuestrohen kafe, televizorë, veshmbathje e mallra të tjera të futura kontrabandë.

Procedohen penalisht 5 shtetas, ndër ta një doganier për “Shpërdorim detyre”, konkretisht:

Shtetasi E.T, vjeç 35, banues në Durrës, pasi në PKK Port, nga kontrolli në kamionin tip “Skania”, iu gjetën dhe bllokuan 60 kilogramë kafe kokërr, dhe 1000 bustina kafe të futura kontrabandë.

Shtetasi R.K vjeç 62, banues në Gjilan, Kosovë, pasi në PKK Port, nga kontrolli në mjetin tip “Volvo” me targë zvicerane iu gjetën dhe bllokuan mallra të ndryshme që dyshohen kontrabandë.

Shtetasi R.B vjeç 60, banues në Pejë, Kosovë,  pasi në PKK Port, nga kontrolli në mjetin tip “Volkswagen” me targë zvicerane, iu gjetën dhe bllokuan mallra të ndryshme që dyshohen kontrabandë.

Shtetasi F.L vjeç 40 banues në Sukth, pasi në PKK Port, nga kontrolli në mjetin tip “Benz” me targë zvicerane iu gjetën dhe bllokuan mallra të ndryshme që dyshohen kontrabandë. Neni 174 i Kodit Penal.

LEXO EDHE:  Qytetarët 'shënjestrojnë' shëtitoren "Taulantia", fundjavë me trafik në Durrës (Foto)

Si dhe u referuan materialet në Prokurorinë Pranë Gjykatës së Shkallës së Parë Durrës, për shtetasin G.T  vjeç 49, banues në Tiranë, doganier, pasi ka lejuar futjen kontrabandë të mallrave nga disa shtetas, pa kryer veprimet e rregullta ligjore.

Policia Kufitare e Durrësit thekson se do të vijojë kontrollet e rrepta për të parandaluar, evidentuar dhe ndëshkuar të gjitha tentativat për paligjshmëri.

Për të marrë lajmet e fundit të “DuaLajm.com”, ndiq edhe faqen tonë në Facebook