Arrestohet në orët e para të mëngjesit të ditës së sotme një 43-vjeçar, i cili akuzohet si pjesë e një grupi të strukturuar kriminal për kultivim droge.

Alan Gjegji ishte i fshehur në kullën e prindërve të tij. Në njoftimin zyrtar të policisë bëhet me dije se 43-vjeçari  ishte shpallur në kërkim që prej nëntorit të vitit 2016 pasi ndaj tij Gjykata për Krime të Rënda Tiranë ka vendosur masën e sigurimit personal “Arrest në burg”,  për veprat penale  “Grup i  i strukturuar kriminal dhe kryerja e veprave penale nga organizata kriminale” dhe “Kultivim i bimëve narkotike, kryer në bashkëpunim”.

Njoftimi i policisë

Operacion policor i koduar “Kulla”.

Operacioni nga Sektori për Hetimin e Narkotikëve në D.V.P.Lezhë në bashkëpunim me Komisariatin e Policisë Mat

Kapet në orët e para të mëngjesit, në kullën e prindërve të tij, një shtetas i shpallur në kërkim nga Gjykata e Krimeve të Rënda, e cila ka caktuar masën e sigurisë “Arrest me burg”.

Masa e sigurisë ndaj tij për veprat penale “Grup i i strukturuar kriminal dhe kryerja e veprave penale nga organizata kriminale” dhe “Kultivim i bimëve narkotike, kryer në bashkëpunim”.

Specialistët për Hetimin e Narkotikëve në Drejtorinë Vendore të Policisë Lezhë, në bashkëpunim me Policinë e Matit, mbi bazën e informacioneve të marra në rrugë operative, për vendndodhjen e një shtetasi të shpallur në kërkim nga Gjykata e Krimeve të Rënda Tiranë, kanë organizuar dhe finalizuar me sukses operacionin e koduar ”Kulla”.

LEXO EDHE:  Arrestohet ish-shefi i Krimeve në Policinë e Durrësit, ja për çfarë akuzohet

Si rezultat i operacionit, në orët e para të mëngjesit, në fshatin Madhesh të Burrelit, u bë e mundur kapja dhe ndalimi i shtetasit: 

A. Gj, 43 vjeç, lindur ne Madhesh, Mat dhe banues në Laç.

Shtetasi i lartpërmendur është shpallur në kërkim në muajin Nëntor 2016, pasi ndaj tij Gjykata për Krime të Rënda Tiranë ka vendosur masën e sigurimit personal “Arrest në burg”, për veprat penale “Grup i i strukturuar kriminal dhe kryerja e veprave penale nga organizata kriminale” dhe “Kultivim i bimëve narkotike, kryer në bashkëpunim”.

Policia ka goditur mbi 15 raste të kultivimit të kryera nga ky grup kriminal, si dhe ka arrestuar më parë disa persona si pjesë e këtij grupi kriminal.

Për të marrë lajmet e fundit të “DuaLajm.com”, ndiq edhe faqen tonë në Facebook