Një 57-vjeçare nga Tropoja ka rënë në prangat e policisë pasi rezultonte e shpallur në kërkim për “trafikim personash”.

Sipas policisë, bëhet fjalë për shtetasen Gjyle Hajdaraj, banuese në Bajram-Curri, ishte dënuar nga Gjykata e Apelit për Krimet e Rënda në qershor të 2016-ës e 15 vite burg.

“Specialistët për Hetimin e Krimit në Komisariatin e Policisë Tropojë, bënë kapjen dhe ndalimin e shtetases së shpallur në kërkim, konkretisht: Gjyle Hajdaraj, 57 vjeçe, banuese në Bajram-Curri, Tropojë.

Kapja dhe ndalimi i saj u bë pasi, Gjykata e Apelit për Krimet e Rënda me vendim Nr.87, datë 06.09.2016, ka lenë në fuqi vendimin Nr.78, datë 01.06.2016, të Gjykatës së Shkallës Parë për Krimet e Rënda e cila e ka dënuar me 15 vjet burg për veprën penale ‘Trafikimi i personave’”, thuhet në njoftimin e policisë.

Për të marrë lajmet e fundit të “DuaLajm.com”, ndiq edhe faqen tonë në Facebook