Një sfidë e vërtetë është për amvisat pastrimi i spinaqit, për shkak të përmbajtjes së lartë të mbetjeve të dheut nëpër gjethe.

Shpesh herë ndodh që për shkak të mos pastrimit si duhet, gatimet e përgatitura me spinaq të shndërrohet në një siklet të vërtetë nëse ai nuk është pastruar siç duhet.

Ka shumë amvisa që shmangin gatimet me spinaq vetëm për shkak të papastërsisë së tij dhe vështirësisë së tij për t’u pastruar. Por spinaqi është një barishte e pasur me hekur por edhe shumë vitamina dhe minerale të tjera që I japin fuqi organizmit dhe promovojnë shëndetin e mirë gjithashtu.

Prerja e bishtave

Një nga detajet më të rëndësishme, kur të nisni pastrimin e spinaqit hapi i parë është largimi i pjesës së bishtave për secilën nga tufat e spinaqit. Më pas, pastrojini gjethet një e nga një me ujë të vakët.

Pasi t’i keni pastruar një nga një. Merrni një tas të madh, mbusheni me ujë të pastër, dhe fusni aty gjethet e spinaq. Gjethet do të dalin në sipërfaqe dhe mbetjet dhe papastërtitë e dheut do të zbresin në fund të tasit. Lërini rreth 5 minuta aty dhe më pas largojini. Do shihni që në fund të tasin do të jenë mbledhur të gjitha papastërtitë e spinaqit.

Ujë me sodë ose uthull

Më pas tasin shpëlajeni dhe mbusheni sërish me ujë të pastër, shtoni një lugë çaji sodë buke përzjeheni mirë dhe fusni aty gjethet e spinaqit sërish, uji me sodë do ndihmojë për një pastrim tërësor të spinaqit .

LEXO EDHE:  Receta Gatimi/ Strudel me salmon dhe spinaq

Lëreni edhe për 5 minuta në ujë me sodë, e më pas largojini gjethet nga tasi dhe vendosini në një kullorëse (psh makaronash) për t’i shpëlarë për herë të fundit sërish me ujë të vakët. Pas kësaj, gjethet e spinaqit janë gati për t’i gatuar në recetën tuaj të preferuar.