Ish-ministrja e Kulturës Mirela Kumbaro e ftuar në rubrikën “Opinion”, foli për Kongresin e PS-së nesër si edhe për zgjedhjet lokale.

Teksa u pyet për ftesën e Fatos Nanos në Kongresin e Partisë Socialiste, Kumbaro tha se Nano është një figurë historike e PS dhe ndaj ka marrë ftesë.

“Fatos Nano është një figurë politike historike për Partinë Socialiste. Ne nuk kemi ftuar vetëm atë, por më herët ka qenë i ftuar edhe shkrimtari Dritëro Agolli, figura historike si Servet Pëllumbi etj., të cilët kanë dhënë kontribut të madh në PS”.

Ne si Parti Socialiste kemi organizimin e duhur për të dalë në zgjedhjet lokale. Në PS janë diskutuar emra për të qenë në bashki të ndryshme të vendit. Baza nxjerr emrat dhe zgjidhen më të mirët. Ka bashki ku janë 2-3 emra të mirë dhe zgjidhet dikush, pasi bëhet një diskutim shumë i gjerë për kandidatin. PS e ka tashmë kandidatin në Tiranë dhe është Erion Veliaj. Pas konsultave që janë bërë në PS, Veliaj do të jetë sërish kandidat në kryeqytet, bashkinë më të madhe në vend. Veliaj ka punuar dhe do të punojë për Tiranën.

Sipas Kumbaros, kandidatët dalin nga diskutimet që bëhen në bazën e Partisë Socialiste, por edhe nga sondazhet që realizohen. Ajo shtoi se opozita proteston nga frika e reformës në drejtësi, kurse tha se protesta e tyre nuk është e njëllojtë me atë të studentëve.