Ballina Kronike Aksident i rëndë në Lushnjë, makina përplas për vdekje këmbësorin

Aksident i rëndë në Lushnjë, makina përplas për vdekje këmbësorin

Një aksident i rëndë me pasojë vdekje ka ndodhur mesditën e sotme në aksin Lushnjë-Rrogozhinë, pranë fshatit Konjat.

Nga të dhënat paraprake të policisë mësohet se një makinë ka përplasur një kalimtar të moshuar 75-vjeç, i cili është transportuar menjëherë në spitalin e Lushnjës në gjendje të rëndë, por nuk ka mundur t’i mbijetojë dot plagëve të rënda.

Drejtuesi i mjetit, shtetasi Olsion Koçiu, 22-vjeç, banues në Berat është shoqëruar në Komisariatin e Lushnjës, ndërkohë që grupi hetimor po punon për zbardhjen e plotë të 

Informacion paraprak i Policisë

Në datën 11.09.2017, rreth orës 12:15, në aksin rrugor Lushnje-Rrogozhinë, në fshatin Konjat, mjeti tip “Toyota”, me targa AA 347 NO, me drejtues shtetasin Olsion Koçiu, 22 vjeç, banues në Berat, ka përplasur një kalimtar rreth 75 vjeç, i cili është dërguar në spitalin e Lushnjes në gjendje të rëndë dhe më pas ka ndërruar jetë.

Drejtuesi i mjetit është shoqëruar në Komisariatin e Policisë Lushnje dhe po kryhen veprimet proceduriale.

Grupi hetimor po punon për identifikimin e viktimës dhe zbardhjen e plotë të rrethanave të ngjarjes.