Ballina Kronike Aksion për kapjen e personave në kërkim, Renea dhe FNSH rrethojnë fshatin...

Aksion për kapjen e personave në kërkim, Renea dhe FNSH rrethojnë fshatin Nikël

Forcat Speciale, FNSH dhe RENEA, po zhvillojnë një operacion në fshatin Nikël të Krujës për kapjen e personave të dyshuar.

Sipas informacioneve paraprake është ndaluar shtetasti F. Haka, i konsideruar si person i rrezikshëm dhe person i kërkuar nga policia.

Në operacionin që ka nisur rreth orës 5 të mëngjesit marrin pjesë një numër i madh efektivësh policie dhe me mjete të blinduara.

Në krye të operacionit është vetë Drejtori i Përgjithshëm i Policisë së Shtetit, Ardi Veliu.

Policia vijon kontrollet për kapjen e personave të dyshuar si dhe për armë e drogë. Po kështu mësohet se janë shoqëruar disa persona të fisit Haka.