Ballina Kronike Bebet në rrezik! Thellohet skandali, 83 vende të prekura nga qumështi i...

Bebet në rrezik! Thellohet skandali, 83 vende të prekura nga qumështi i infektuar Lactalis

Në 83 vende të botës, është përhapur rreziku nga qumësht Lactalis i infektuar me salmonellë dhe ky skandal sa vjen e po thellohet.

Më shumë se 20 milionë kuti të qumështit të pluhurzuar të foshnjave u shpërndanë nëpër vende të ndryshme. Ky skandal ka prekur 83 vende të ndryshme të botës.

Shitja e qumështit Lactalis, u ndalua nga frika e përhapjes së sëmundjes së salmonellës. Fillimisht ishte Franca ajo që në fund të 2017-ës, urdhëroi ndalimin e shitjes së qumështit për foshnja.

Lactalis, është një nga prodhuesit më të mëdhenj të qumështit në botë, dhe arsyeja e ndalimit ishte për shkak të baktereve të Salmonellës që përçohej nga po ky qumësht. Shefi ekzekutiv i firmës së këtij qumështi, Emmanuel Besnier, ka konfirmuar shkallën e rrezikut.

Paditë janë paraqitur nga shumë prindër të cilët thonë se fëmijët e tyre u sëmurën pas pirjes së këtij qumështi.

Salmonella mund të shkaktojë diarre të rënda, dhimbje stomaku, të vjella dhe dehidrim të rëndë. Mund të jetë edhe vdekjeprurëse veçanërisht tek fëmijët e vegjël. 

Për të marrë lajmet e fundit të “DuaLajm.com”, ndiq edhe faqen tonë në Facebook