Ballina Kronike Bie zjarr në bordin e avionit, tmerrohen pasagjerët e linjës Ankona-Tiranë

Bie zjarr në bordin e avionit, tmerrohen pasagjerët e linjës Ankona-Tiranë

Një incident ajror ka ndodhur paraditen e sotme kur një avion i postës italiane “Mistral air” i kontraktuar nga kompania “Blu Panorama” ka marrë flakë në ajër.

Mësohet se në avion se në avion kanë qenë reth 100 pasagjerë, të cilët kanë shpëtuar, por ata kanë përjetuar momente tmerri. 

“Vetëm 15 minuta pasi jemi nisur nga aeroporti i Ankonës konstatuam erë të djegur në bordin e avionit. Biletat i kishim prerë me Blu Panorama, por avioni ishte i Ernest Fly, pasi Blu Panorama operon me këtë kompani. Ekuipazhi na informoi se kemi probleme, dhe se flaka kishte rënë në kabinë, ndaj duhet të kthehemi. Në aeroport na kanë pritur zjarrfikëset. Mes pasagjerëve kishte tension të madh, disa filluan të qanin”, dëshmon një prej pasagjerëve.

Avioni ishte nisur nga aeroporti i Ankonës me destinacion Tiranën. Pas situatës së krijuar nga shkëndija elektrike në kabinë avioni ka bërë ulje të detyruar sërish në Ankona.

Aktualisht avioni është duke iu bërë një kontroll teknik për të zbuluar arsyen e shkëndijes elektrike.