Ballina Kronike I del “bllof” plani, dy trafikantët i vënë zjarrin gomones (FOTO)

I del “bllof” plani, dy trafikantët i vënë zjarrin gomones (FOTO)

SHPËRNDAJE

Një gomone me 50 kilogramë kanabis sativa është djegur dhe është braktisur në plazhin e Velipojës.

Gomonia është pikasur në orët e mbrëmjes të së shtunës. Kanë qenë shërbimet e Drejtorisë Rajonale për Kufirin dhe Migracionin Lezhë që kanë konstatuar një mjet lundrues që lëvizte në afërsi të bregut të detit.

Më pas shërbimet e Policisë Kufitare përgjatë vijës bregdetare, në vendin e quajtur “Rana e Hedhun”, fshati Rrjoll, Velipojë, kanë gjetur gomen duke u djegur.

Burime policore bëjnë me dije se rreth 100 metra pranë bregut të detit ku po digjej gomonia u konstatua një sasi prej 50 kg kanabis sativa.

Mjeti rezultoi një gomone rreth 6 metra e gjatë. Fillimisht shërbimet e Policisë Kufitare fikën flakët që kishin përfshirë gomonen. Gjithashtu në breg të detit, afër gomones u gjet dhe u sekuestrua në cilësinë e provës materiale një bidon plastik me rreth 10 litra benzol, i cili dyshohet se është përdorur nga autorët.

Ende nuk dihet se cilët janë autorët që po tentonin të bënin trafik ndërkombëtar dhe që dyshohet se kishin si destinacion Italinë, ndërkohë që policia po kryen veprime të mëtejshme për zbardhjen e plotë të ngjarjes.

Comments

comments