Ballina Kronike Dy vëllezërit nga Durrësi kërcënojnë sërish se do të hidhen nga pallati:...

Dy vëllezërit nga Durrësi kërcënojnë sërish se do të hidhen nga pallati: Nga shtëpia do të dalim vetë të vdekur

Dy vëllezërit Bejko nga lagja 11, Durrës, kanë kërcënuar se do të vetëflijohen duke u hedhur nga lartësia, pasi Përmbarimi shkoi në banesë për të ekzekutuar një vendim gjykate.

Sipas vendimit nga Gjykata e rrethit Durrës ata duhet të largohen ditën e sotme nga banesa e tyre, në të cilën jetojnë prej 40 vitesh, pasi shtëpia ku ata banojnë do t’i kthehet pronarit të saj.

Kjo i ka shtyrë 2 vëllezërit që të hipin sërish në tarracën e pallatit ku banojnë dhe kërcënojnë se do të vetëvriten.

Në dritaret e shtëpisë janë familjarët e tjerë së bashku me fëmijët të cilët mbështesin aktin e dy vëllezërve në katin e katërt të pallatit, duke deklaruar se nga shtëpia do të dalin vetëm të vdekur.