Ballina Kronike E rëndë në Durrës, treni përplas për vdekje kalimtarin

E rëndë në Durrës, treni përplas për vdekje kalimtarin

Një 52-vjeçar është përplasur për vdekje nga treni në Sallmone të Durrësit.

Ngjarja e rëndë ka ndodhur ditën e sotme rreth orës 15:10, tek nënkalimi hekurudhor i linjës Durrës-Vorë.

Sipas burimeve zyrtare nga policia mësohet se viktima është shtetasi me inicialet F.H., 52-vjeç, banues në Sukth, Durrës.

Ndërkohë që mashinisti i trenit është shoqëruar në ambientet e Komisariatit të Policisë për sqarimin e rrethanave të ngjarjes. Grupi hetimor po vijon hetimet për sqarimin e rrethanave të ngjarjes.

Njoftimi i Policisë
Më datë 13.09.2017, rreth orës 15:10, në Sallmone, në linjën hekurudhore Durrës –Vorë, tek nënkalimi hekurudhor treni ka përplasur shtetasin F.H. 52 vjeç, banues në Sukth.

Fatkeqësisht shtetasi i mësipërm ka ndërruar jetë. Mashinisti ndodhet në vendngjarje dhe do të shoqërohet në ambientet e Komisariatit të Policisë për sqarimin e rrethanave të ngjarjes.
Grupi hetimor ndodhen në vendngjarje.

Për të marrë lajmet e fundit të “DuaLajm.com”, ndiq edhe faqen tonë në Facebook