Ballina Aktualitet E “spiunoi” fshati se kishte armë dhe municione, arrestohet 51-vjeçari në Librazhd...

E “spiunoi” fshati se kishte armë dhe municione, arrestohet 51-vjeçari në Librazhd (Emri)

Policia e Librazhdit ka vënë në pranga një 51-vjeçar pasi në banesën e tij u gjetën armë dhe municione.

I arrestuari është shtetasi Shaban Hidri, banues në fshatin Dorez. Uniformat blu kishin siguruar informacione nga komuniteti se në banesën e 51 vjeçarit kishte armë zjarri.

“Gjatë kontrollit në territorin e banesës së shtetasit Shaban Hidri, 51 vjeç, banues në fshatin Dorez, Librazhd, gjetën dhe sekuestruan në cilësinë e provës materiale 4 armë zjarri ( 2 automatik dhe 2 pushkë), si dhe 140 fishekë luftarakë”, njofton policia.

Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme, për veprën penale “Prodhimi dhe mbajtja pa leje e armëve luftarake dhe e municionit”.